#窮撚麻甩佬 | #mll觀塘 #mll快餐
觀塘出曬名多工廈，但除左工廈之外呢都有唔少美食，今次介紹觀塘一間食物水平高既漢堡店，佢既價錢亦都唔算太貴，值得一試。😈
-
✨德州煙燻牛肉漢堡 $65（跟餐配薯條&餐飲$20）
漢堡既size岩岩好，一啖可以食到曬所有材料。煙肉煎到非常之脆，牛肉係用坑紋鐵板黎煎，有少少焦香味，就咁睇都仲可以見到啲坑紋😋，牛肉唔算好厚但係肉汁好豐富。配料除左有蕃茄、生菜仲加埋德州辣醬係入面，惹味得黎亦都好夠辣。
-
✨芝士烤雞漢堡 $52
雞扒烤得好嫩滑，味道方面岩岩好，又唔會醃得太過咸。配埋沙津菜同芝士幾match，配料仲有煎蛋同番茄，食完成個唔會太膩👍🏻另外，薯條炸得幾脆，但薯肉唔夠多，有唔少條薯條食落都好似空心咁，唔係好滿足。餐飲面，鳩叫左兩杯熱飲黎試，用現成茶包沖既，麻麻地但解油膩都唔錯。
依間漢堡店既食物水準算係幾高，同嘉寶漢堡幾似😂。而且漢堡既選擇都非常多，又有雞、牛、豬、海鮮等，甚至仲有埋素食漢堡🍔。野飲小食亦都係有好多選擇，人均消費大概$70到，經過觀塘既朋友不妨試一試。
店鋪：My Burger
地址：觀塘成業街7號東廣場地下G12-13號鋪
營業時間：08:30 - 21:00
Search